Almaty oblysynda malshy ishimdikti birge ishken tanysyn óltirdi degen kúdikpen ustaldy. 66 jastaǵy turǵyn qoly qan bolyp, ien dalada qashyp bara jatqan jerinen qolǵa tústi, dep habarlaidy "Ult aqparat".
Almaty oblystyq politsiia departamenti baspasóz qyzmetiniń málimetinshe, 18 mamyr kúni túngi saǵat 00:10 shamasynda Qarasai aýdanynyń politseileri arnaiy shaqyrtý boiynsha oqiǵa ornyna barǵan. Tártip saqshylary Qaskeleń qalasynyń Abylai han kóshesinde er adamnyń denesin tapqan.
«Jedel-izdestirý sharasy arqyly politseiler sol mańda qashyp bara jatqan er adamdy baiqaǵan. Birden onyń izine túsip, ustaǵan. Qolǵa túsken 66 jastaǵy azamattyń ishimdik ishkeni anyqtaldy jáne onyń qoly qan boldy. Tańerteń esin jiǵannan keiin ol óziniń malshy bolyp jumys isteitinin aitty. Tanysymen birge ishimdik iship, sózge kelispei, as úi pyshaǵymen ony óltirgenin de moiyndaǵan. Qylmysyn jasyrý úshin oqiǵa ornynan qashyp ketýge tyrysqan, biraq oiy júzege aspaǵan»,- delingen vedomstvonyń habarlamasynda.
Qazir aiǵaq zat tárkilendi. Kúdikti ýaqytsha ustaý izoliatoryna qamaldy. Sotqa deiingi tergeý júrgizilip jatyr.
