Almaty oblysynda Lin Veitszi esimdi qytailyq biznesmenge 10 jeltoqsan kúni belgisiz 3 adamnyń shabýyl jasaý oqiǵasy tergelip jatyr, - dep habarlaidy kaz.tengrinews.kz aimaqtyq IID baspasóz qyzmetine silteme jasap.
Lin Veitszi Almaty oblysyndaǵy eń iri kompaniialardyń biri "Maolin" JShS-yn basqarady. 10 jeltoqsanda túngi 2:00 shamasynda belgisiz úsh adam kompaniianyń jataqhanasyna qaraqshylyq jasamaq niette kirgen. Júrgizýshini soqqyǵa jyǵyp jáne bailap tastap, múlikti shyǵarýǵa kirisedi. Biraq osy kezde shý shyqqandyqtan, ekinshi qabattan Li Veitszi tómen túsip, betperde kigen er adamdy kórgen. "Maolin" JShS bas direktory qaskóidi toqtatpaq bolǵan, alaida, qylmysker ony soqqyǵa jyǵady da, oǵan eki sybailasy qosylǵan.
Kúzetshilerdiń jaqyndap qalǵanyn kórgen urylar eshteńe almastan, qashyp ketken. Biznesmenge meditsinalyq járdem kórsetildi. Veitszi aýyr jaraqattar alǵan, onyń betine on shaqty tigis salyndy.
"Bul derekke qatysty qylmystyq is QR QK-niń 191-babynyń 2-tarmaǵy - "Qaraqshylyq" boiynsha qozǵaldy. Qazirgi ýaqytta jedel-izdestirý sharalary júrgizilip jatyr"- deidi baspasóz qyzmetiniń ókilderi.
