Búgin «Universal Energy (Qazaqstan)» kompaniiasy men qazaqstandyq kásipkerler Asqar Alshynbaev, Evgenii Feld, Nurjan Bekshenov, Esenǵali Báimenov jáne Raiymbek Batalov Covid-19 infektsiiasymen kúrestiń aldyńǵy sapynda júrgen Almaty oblysynyń meditsinalyq jáne basqa da uiymdaryna gýmanitarlyq kómek júkterin jetkizip berdi, - dep habarlaidy "Ult aqparat" Almaty oblysy ákiminiń baspasóz qyzmetine silteme jasap.
Jalpy quny 100 million teńgeden asatyn kóp ret paidalanatyn Dupont kostiýmderi, infraqyzyl termometrler, maskalar, respiratorlar, qorǵanys kózildirikteri QHR-dan satyp alynyp, Qazaqstanǵa arnaiy reispen ákelingen. Bul qorǵanys quraldary indetpen kúres sharalaryna tartylǵan meditsinalyq jáne basqa da uiymdarǵa bólip berý úshin oblys ákimdigine tapsyryldy. Barlyq meditsinalyq buiymdar men amýnitsiia qytailyq jáne eýropalyq kásiporyndarda óndirilgen, eýropalyq sapa sertifikattaryna ie.
«Ásirese, QR Syrtqy ister ministrligine, elimizdiń Qytaidaǵy Qazaqstannyń elshilikterine indet kezindegi logistikalyq qiyndyq jaǵdaiynda bizge quraldardy jetkizýge kómek kórsetkenderi úshin alǵysymyz zor. Bul zamanaýi jeke qorǵaný quraldary bizdiń meditsina mamandaryna koronavirýspen kúreste úlken kómek bolady dep senemiz», - dep atap ótti qaiyrmdylyq aktsiiasynyń bastamashylary.
Bul kómekti ákimdiktiń atynan oblys ákiminiń orynbasary Serik Turdaliev qabyldap aldy.
Biznestiń áleýmettik jaýapkershiligin berik ustanyp, osyndai qiyn-qystaý kezeńde óńirge qoldaý bildirgen azamattarǵa oblys ákiminiń orynbasary Serik Turdaliev rizashylyǵyn jetkizdi. Qandai qiyndyqty da birliktiń arqasynda jeńip shyǵatynymyzǵa senim bildirdi.
«Oblys ákimi Amandyq Ǵabbasuly Batalovtyń atynan «Universal Energy» (Qazaqstan) kompaniiasynyń quryltaishylary I Nan, Bolat Ábilov pen Oraz Jandosovtardyń kórsetken qoldaýlaryna, qamqor nietterine alǵys aitamyz», - dedi S.Turdaliev.
Eske salsaq, «Universal Energy (Qazaqstan) kompaniiasy jańartylǵan energiialyq nysandardyń qurylysymen jáne ony iske qosýmen ainalysady. Oblys aýmaǵynda atalmysh kompaniianyń «Qapshaǵai 100 MVt» kún elektr stansasy jumys isteidi. Oǵan qosa Ile, Sarqan aýdandarynda taǵy eki stansanyń qurylysy júrip jatyr.
