Almaty oblysynda Esirtki biznesine qarsy kúres basqarmasynyń qyzmetkerleri bir táýliktiń ishinde esirtki ósimdikterin ósirýdiń eki faktisin anyqtady, dep habarlaidy "Ult aqparat".
Almaty oblystyq Politsiia departamenti baspasóz qyzmetiniń málimetinshe, atalǵan faktiler QR QK 300-baby 1-bóligi boiynsha sotqa deiingi tergeýdiń biryńǵai reestrine tirkeldi.
Enbekshiqazaq aýdanynyń 26 jastaǵy turǵynynan tártip saqshylary qara sora ósimdigin tárkiledi. Jalpy salmaǵy - 51 keli.
Ekinshi jaǵdaida, zańsyz ósimdik «baǵy» Ile aýdanynyń 54 jastaǵy turǵynynyń úiiniń aýlasynan tabyldy. Politseiler 54 túp marihýana ósimdigin tárkiledi.
Eki kúdikti qazirgi ýaqytta ýaqytsha ustaý oqshaýlaǵyshyna qamaldy. Tergeý júrgizilýde.
