Búgin QR Sybailas jemqorlyqqa qarsy is-qimyl agenttiginiń Almaty oblysy boiynsha Departamenti men Almaty oblysynyń Din isteri basqarmasynyń uiymdastyrýymen sybailas jemqorlyqqa qarsy mádenietti qalyptastyrý maqsatynda din ókilderimen kezdesý ótti.
Jemqorlyq kórinisterine jol bermeýdi, onyń aldyn alýdy kózdegen jiynǵa QR Sybailas jemqorlyqqa qarsy is-qimyl agenttiginiń Almaty oblysy boiynsha departamenti basshysynyń birinshi orynbasary Jandos Jumabaev, aqparat-nasihat tobynyń múshesi Ermek Kelemseiit jáne jergilikti atqarýshy organdar men din ókilderi qatysty.
Jiynnyń negizgi maqsaty – jalpy adamgershilik jáne ulttyq qundylyqtar negizinde sybailas jemqorlyqqa qarsy mádenietti qalyptastyrý.
QR Sybailas jemqorlyqqa qarsy is-qimyl Agenttiginiń Almaty oblysy boiynsha departament basshysynyń birinshi orynbasary Jandos Jumabaev: «Adamdardyń sybailas jemqorlyqtan sanaly túrde alshaq júrýi mańyzdy. Mundai senim adamnyń adamgershilik jáne rýhani damýy arqyly bolýy múmkin. Meshit, shirkeý, ǵibadathana, sinagoga jáne basqa da dini ǵimarattar – bul adamgershilik tárbie ortalyqtary. Dini rásimderdi, ýaǵyzdardy oryndaý kezinde sybailas jemqorlyqtyń kúná ekendigi týraly únemi túsindirýdi tájiribege engizýdi suraǵym keledi», - dedi. Sondai-aq sybailas jemqorlyqtyń aldyn alýda ári rýhani-adamgershilikti qalyptastyrýda din ókilderiniń alatyn orny erekshe ekendigin atap ótip, oblystaǵy barlyq meshitterdegi juma namazdarǵa kelýshilerge jemqorlyqqa qarsy túsindirý sharalaryn turaqty negizde júrgizýdi usyndy.
Bul usynysty jiynǵa qatysýshy imamdar biraýyzdan qoldap, adaldyq qasieti dástúrli dinimizde asa qundy mánge ie ekendigin jetkizdi.
«Sybailas jemqorlyq tek zańdarmen ǵana emes, sonymen qatar dinderdiń postýlattarymen de aiyptalǵandyqtan, sybailas jemqorlyqqa qarsy mádenietti qalyptastyrýda biz dini qoǵamdastyqtyń kómegine júginemiz. Biz dini qyzmetshilerdiń joǵary adamgershiligi men bedeli halyqtyń mádeni qundylyqtaryn nyǵaitýǵa ólsheýsiz úles qosýǵa kómektesetinine senimdimiz», - dep túiindedi spiker.
Almaty oblysy boiynsha sybailas jemqorlyqqa qarsy is-qimyl departamenti barlyq maqsatty toptarmen, onyń ishinde din ókilderin tarta otyryp, parasattylyq qaǵidattary týraly túsindirý jumystaryn turaqty negizde júrgizip otyrady.
