Almaty oblysynda shuryq-tesikke ainalǵan jol byltyr ǵana 50 mln teńgege jýyq qarjyǵa jóndelgenin, Ony jergilikti ákimdik rastady, dep habarlaidy "Ult aqparat".
Eskeldi aýdanynyń Qarabulaq aýyldyq okrýgine qarasty Matai Baiysov aýylyndaǵy Kúlásh Baiseiitova atyndaǵy kóshege byltyr kúrdeli jóndeý júrgizilgen. Bastapqy kelisimshart boiynsha 42 mln 179 myń teńge, qosymsha kelisim shartpen taǵy 7 mln 256 mln teńge bólingen. Osylaisha eki shaqyrymǵa jeter jetpes jolǵa 49 mln 436 myńnan asa qarajat jumsalǵan.
Qazir ákimdik jóndeý júrgizgen merdiger joldyń sapasyna eki jylǵa deiin jaýapty ekenin aityp, barlyǵy qalypqa keltiriletinin jetkizdi.
«Kelesi aptada joldy qaita qalpyna keltirý bastalady. Óitkeni, kún endi jylynyp keledi. Kósheniń jolyn jasaǵan merdiger kompaniiamen kelisimshart bolǵandyqtan, olar joldyń sapasyna 2 jylǵa deiin jaýapty», - dep málimdedi Eskeldi aýdany ákiminiń baspasóz qyzmetinen.
Aita keteiik, Kúlásh Baiseiitova kóshesindegi 1820 metrlik joldy «Jetisý Jol Qurylys» JShS júrgizgen. Al tapsyrysty «Eskeldi aýdanynyń jolaýshylar kóligi jáne avtomobil joldary bólimi» bergen.
