Jelide turǵyn úi aýlasynda belgisiz bireýlerdiń er adamǵa shabýyl jasaǵany túsirilgen video tarady, - dep habarlaidy Tengrinews.kz agenttigi.
Politsiia málimetinshe, bes adam jaraqat alǵan. Oqiǵa Almaty oblysynyń Besaǵash aýylynda bolǵan.
"Oqiǵa 13 maýsymǵa qaraǵan túni Talǵar aýdany Besaǵash aýylyndaǵy "Aspan siti" turǵyn úi kesheni mańynda bolǵan. Derekke qatysty "Buzaqylyq" baby boiynsha tergeý bastaldy. Is materialdaryna sáikes, jábirlenýshi bes jergilikti turǵyn bar, olardyń ekeýi túrli dene jaraqatymen aýrýhanaǵa jetkizildi. Qazirgi ýaqytta politsiia qyzmetkerleri videony tekserip, kýágerlerden jaýap alyp jatyr", - dedi Almaty oblysy Politsiia departamentiniń baspasóz qyzmeti ókilderi.
