Almaty oblystyq politsiia departamentindeniń kriminaldyq politsiia basqarmasy qyzmetkerleri Jergilikti politsiia qyzmeti basqarmasymen, sondai-aq basqa da ýákiletti organdarmen birlesip, «Brakoner» jedel aldyn alý is-sharasyn ótkizdi. Is-sharanyń negizgi baǵyty Balqash-Alakól basseininiń balyq sharýashylyǵy sý aidyndarynda balyq resýrstaryn jáne basqa da sý janýarlaryn saqtaý boldy. Bul týraly Almaty oblystyq politsiia departamentiniń baspasóz qyzmeti habarlady.
«Brakoner» jedel aldyn alý is-sharasyn júrgizý barysynda Balqash-Alakól basseininiń balyq sharýashylyǵy sý aidyndarynda 9 km. 700 m. balyq aýlaǵa arnalǵan Qytai óndirisiniń aýlary, 14 qarmaq, 5 motorly qaiyq, 1 myń 599 kg. balyq tárkilendi. 55 ákimshilik hattama toltyrylyp, jalpy keltirilgen zalal 5 mln. 300 myń 549 teńgeni qurady», – dep habarlady Almaty oblystyq politsiia departamentindegi kriminaldyq politsiia basqarmasynyń basshysy, politsiia polkovnigi Ashat Daniiar.
Jalpy, 7 aidyń qorytyndysy boiynsha 1045 zań buzýshylyq anyqtalyp, 104 qylmystyq is qozǵaldy. Ekologiialyq quqyq buzýshylyqtar úshin 941 adam ákimshilik jaýapkershilikke tartyldy. Zańsyz ainalymnan 13 tonna 894 kg balyq, 50 quqyq buzýshylyq jasaý quraly, 4 myń 913 km qytailyq balyq aýlaý torlary, 24 dana júzý quraly jáne 21 dana atys qarýy tárkilendi.
«Sonymen qatar, aldyn alý kezeńinde kriminaldyq politsiia basqarmasy men jergilikti politsiia qyzmeti basqarmasynyń qyzmetkerleri QR QK 335, 337, 339 jáne 287-baptary boiynsha barlyǵy 7 qylmystyq is qozǵady. Jumys toby Balqash-Alakól oblysaralyq basseindik balyq sharýashylyǵy inspektsiiasy ókilderiniń, Almaty oblysy boiynsha kóliktik baqylaý inspektsiiasy qyzmetkerleriniń, balyq sharýashylyǵy qaýymdastyǵy DB ókilderiniń qatysýymen Qapshaǵai sý qoimasynyń aidynyn jáne qaraýsyz qalǵan jerlerin, sondai-aq jaǵalaý aýmaǵyn qatty turmystyq qaldyqtardan tazartý boiynsha is-sharalar ótkizdi», – dep atap ótti politsiia polkovnigi Ashat Daniiar.
