Búgin Almaty oblysynda 7 adamnyń COVID-19 juqtyrǵany belgili boldy, - dep habarlaidy Almaty oblysy ákiminiń baspasóz qyzmeti.
63, 40, 33, 19 jastaǵy tórt eresek jáne 7, 4 jastaǵy eki bala Eńbekshiqazaq aýdany Shelek aýylynyń turǵyndary. Olardyń bári de - buǵan deiin aýyrǵan 1939 jyly týǵan azamatpen bir úide turǵandar. Bul 6 adam Shelek aýylyndaǵy aýdandyq aýrýhananyń infektsiialyq bólimine jatqyzyldy.
COVID-19 infektsiiasymen aýyrǵandardyń taǵy bireýi Ile aýdanynda tirkeldi. Talǵar aýdanynyń 1994 jyly týǵan turǵyny diagnozy anyqtalǵannan keiin Qarasai aýdandyq ortalyq aýrýhananyń infektsiialyq bólimine jatqyzyldy. Ol buǵan deiin aýyrǵan patsientpen bailanysta bolǵan. Jumys barysynda 25 adammen qarym-qatynas jasaǵan. Olardyń barlyǵy dárigerlerdiń baqylaýynda.
Jalpy 22 sáýir kúngi saǵat 15.00-degi jaǵdai boiynsha Almaty oblysynda koronavirýspen aýyrǵandar sany 62-ge jetti, 9 adam jazylyp shyqty.
