Bir táýlikte Almaty oblysyndaǵy blok-beketterde tótenshe jaǵdai rejimin buzǵan 12 adam ustaldy, dep habarlaidy QazAqparat.
Almaty oblystyq politsiia departamenti baspasóz qyzmetiniń málimetinshe, quqyq buzýshylar ótken táýlikte Almaty qalasyna irgeles tosqaýyl-bekette ustalǵan. Olardyń ishinde ainalma jolmen ótýge tyrysqan azamattar da bar. Olar birden anyqtaldy.
«Azamattar burynǵysynsha arnaiy blok-beketterdi túrli amal arqyly ainalyp ótýge tyrysýda. Bul rette, olar agressiia, qarsylyq jáne politsiia ókilderiniń zańdy talaptaryna baǵynbaýǵa deiingi san qily tásilderdi qoldanýda. Alaida, tótenshe jaǵdai rejimin buzý nemese tótenshe jaǵdaidyń jariialanýyna bailanysty talaptardy oryndamaý 10 AEK mólsherinde aiyppul salýǵa nemese 15 táýlikke deiin qamaýǵa ákep soǵady. Budan ózge, tótenshe jaǵdai jariialanǵan aýmaqta bilik ókiliniń zańdy talabyna nemese ókimine baǵynbaǵan azamattarǵa 2000 AEK mólsherinde aiyppul salý nemese alty júz saǵatqa deiin túzeý jumystary, ne sol mólsherde qoǵamdyq jumystarǵa tartý, ne eki jylǵa deiin bas bostandyǵyn shekteý, ne sol merzimge bas bostandyǵynan aiyrý jazasy kózdelgen», - dedi Almaty oblysy Ile aýdandyq politsiia basqarmasynyń bastyǵy, politsiia polkovnigi Marat Kúshtibaev.
Ustalǵan azamattardyń barlyǵy Ákimshilik quqyq buzý týraly kodeksiniń 476-babyna sáikes ákimshilik jaýapkershilikke tartyldy. Qazir zańǵa baǵynbaǵandar 5-ten 8 táýlikke deiin qamaldy.
