Almaty oblysynyń tártip saqshylary «Mal urlyǵy» jedel aldyn alý is-sharasynyń alǵashqy kúni mal urlyǵynyń 18 deregin áshkerelep, qylmysqa qatysy bar 28 kúdiktini anyqtady. 60 bas mal óz ielerine qaitaryldy. Onyń ishinde 45 qoi, 14 siyr jáne jylqy bar, dep habarlaidy "Ult aqparat".
Almaty oblystyq Politsiia departamentiniń baspasóz qyzmeti taratqan aqparatqa sáikes, Qapshaǵai qalasynyń politsiiasyna jergilikti sharýa qojalyqtardyń birinen 40 qoidyń qoldy bolǵany týraly habarlama túsken. Tártip saqshylary jedel izdestirý sharalary barysynda kórshi qystaqta mal baǵatyn 30 jastaǵy azamat qylmysqa qatysy bar degen kúdikke ilingen. Sotqa deiingi tergeý barysynda onyń kórshisiniń 40 qoiyn jaiylymnan urlap, olardy Talǵar aýdanyna jetkizgeni anyqtaldy. Politseiler urlanǵan 33 bas qoidy iesine qaitardy.
«Zardap shegýshige 1,5 million teńge shyǵyn kelgen. Kúdikti azamattyń buǵan deiin mal urlaǵany úshin bas bostandyǵy shektelgeni jáne ol merzimniń aiaqtalmaǵany belgili boldy. Qazirgi ýaqytta ol Qapshaǵai qalasy politsiiasynyń ýaqytsha ustaý izoliatoryna qamaqqa alyndy. Onyń budan ózge qylmystarǵa qatysy bar-joǵy anyqtalýda»,- dep tolyqtyrdy Almaty oblystyq politsiia departamentiniń baspasóz qyzmetinen.
Biyl Almaty oblysynda mal urlyǵyna qatysy bar degen aiyp taǵylǵan qylmystyq toptyń 59 múshesi jaýapkershilikke tartylǵan. Olardyń 181 mal urlyǵyn jasaǵany dáleldengen. Zardap shegýshilerge 80 million teńgege jýyq materialdyq shyǵyn óndirilgen.
