videodan alynǵan kadr
Almaty oblysynyń turǵyndary kishkentai qyzǵa tiispek bolǵan er adamdy ustady, - dep habarlaidy Massaget.kz.
ZTB.KZ portalynyń redaktsiiasyna Almaty oblysyndaǵy Qarasai aýdanynyń turǵyndary bailanysqa shyǵyp, jantúrshigerlik jaittyń kýágeri bolǵanyn aitqan. Turǵyndardyń sózinshe, ózin Rýslan dep tanystyrǵan er adamnyń qolynda ishimdik bolǵan. Ol ózi jáne "qyzyn" Uzynaǵashqa deiin aparýdy suraǵan.
Turǵyndar qyzdan qasyndaǵy er adam kim ekenin suraǵanda kishkentai qyz jylap jibergen. Qyzdyń sózinshe, ol úiden shyǵyp, jergilikti óner mektebine bara jatqan kezinde belgisiz bireý ony urlap áketip, taksimen belgisiz jaqqa alyp ketken.
Ózin Rýslan dep tanystyrǵan adam turǵyndar videoǵa túsire bastaǵannan keiin qashyp ketken. Al kishkentai qyz jylap, ony múlde tanymaitynyn, óziniń ata-anasy baryn aitqan.
Politsiia departamentindegiler bul jaitqa qatysty pikir bildirdi.
Saǵat 10:00 shamasynda 1987 jyly týǵan R. esimdi er adam kámeletke tolmaǵan qyzdy Jambyl aýdanyndaǵy Fabrichnyi aýylynan Qarasai aýdanyndaǵy Jibek joly aýylyna alyp ketken.
"Kishkentai qyz ótip bara jatqan áielden kómek suraǵan. Áiel Qarasai aýdanynyń politsiia basqarmasyna habarlasqan. Turǵynnyń habarynan keiin kúdikti saǵat 11.20 shamasynda ustaldy.
Qazirgi ýaqytta is aýmaqtylyǵy boiynsha Jambyl aýdandyq politsiia basqarmasyna jiberildi. Bul derek aýdan prokýratýrasynyń baqylaýynda", - delingen habarlamada.
