Almaty oblysy boiynsha Sybailas jemqorlyqqa qarsy qyzmet Almaty oblysynyń Kásipkerlik jáne Indýstrialdy-innovatsiialyq damý basqarmasynyń basshysyna jáne merdigerlik uiymnyń basshylyǵyna qatysty asa aýyr sybailas jemqorlyq qylmys jasaý kúdigi boiynsha sotqa deiingi tergeýdi bastady. Bul týraly QR Sybailas jemqorlyqqar qarsy is-qimyl agenttiginiń Telegram kanaly habarlady.
Basqarma basshysy JShS basshylyǵynan jumystardy memlekettik satyp alý boiynsha JShS-in baiqaý jeńimpazy dep taný jáne «Biznestiń jol kartasy-2025» biznesti qoldaý men damytýdyń memlekettik baǵdarlamasy aiasynda bólingen qarajat esebinen salynǵan obektide oryndalǵan jumystardyń kólemin ári qarai kedergisiz qabyldaý úshin oblys aýmaǵynda obekt salý boiynsha 666 million teńgeni quraityn shart somasynyń 15% esebinen «keri qaitarý» retinde aldyn ala kelisilgen 90 million teńgeden 33 500 AQSh dollary somasynda para alýda kúdikke ilindi.
«Laýazymdy tulǵa, merdiger uiymnyń quryltaishysy men direktory asa iri kólemde para alý jáne berý kúdigi boiynsha ustalyp, Almaty oblysynyń ýaqytsha ustaý izoliatoryna qamaldy. Bultartpaý sharasyn tańdaý týraly másele sheshilýde» delingen resmi habarlamada.
Tergeý jalǵasýda. QIJK-niń 201-babyna sáikes tergeý múddesine sai basqa málimetter jariia etýge jatpaidy.
