28 jastaǵy júrgizýshi jolda 37 jastaǵy áiel men 11 jastaǵy balany qaǵyp ketken. Oqiǵa Almaty oblysy Qarasai aýdany Qaskeleń qalasynda bolǵan, - dep habarlaidy Tengrinews.kz.
Oqiǵa ornynda Qarasai aýdandyq politsiia basqarmasynyń vzvod komandiri, aǵa leitenant Miras Myńjanov bolǵan. Ol jedel járdem kóligin kútpei, olarǵa alǵashqy meditsinalyq kómek kórsetip, jergilikti aýrýhanaǵa aparǵan.
"Jol apatynan zardap shekkender túrli jaraqattarmen Qarasai aýdandyq aýrýhanasyna jatqyzyldy. Qajet saraptamalar taǵaiyndalyp, qylmystyq tergeý bastaldy. Avtokólik tárkilenip, arnaiy turaqqa qoiyldy", - dedi Almaty oblysy Politsiia departamentiniń baspasóz qyzmeti ókili.
