Almaty oblysyndaǵy Saryózektegi aýrýhanada júkti áiel kóz jumdy. 1988 jylǵy áiel júktiliktiń 18-shi aptasynda bolǵan, - dep habarlaidy QazAqparat.
«22 mamyr kúni 1988 jylǵy áiel Kerbulaq aýdandyq aýrýhanasyna aýyr jaǵdaida tústi. Barlyq tiisti em-dom sharalary qoldanyldy. Biraq naýqastyń jaǵdaiy kúnnen kúnge nasharlai berdi. Oblystyń dárigerleri arnaiy konsiliým júrgizdi. Ókinishke orai naýqas kóz jumdy», - delingen Almaty oblystyq densaýlyq saqtaý basqarmasy baspasóz qyzmetiniń habarlamasynda.
Vedomstvonyń aqparatyna sáikes, aýrýhanaǵa túskennen keiin bir kún ótken soń iaǵni, 23 mamyr kúni naýqas túsik tastaǵan.
«Naýqastyń múrdesi arnaiy sot-meditsinalyq saraptamaǵa jiberildi. Onyń qorytyndysy shyqqan kezde tiisti sheshim qabyldanatyn bolady. Qazirgi ýaqytta meditsinalyq jáne farmatsevtikalyq baqylaý departamenti kezekten tys tekserý júrgizýdi josparlap otyr. Oǵan táýelsiz sarapshylar qatysatyn bolady», - dep tolyqtyrdy atalǵan vedomstvonyń baspasóz qyzmetinen.
Almaty oblystyq densaýlyq saqtaý basqarmasy 1988 jylǵy áieldiń ólimine naqty ne sebep bolǵanyn arnaiy sot-meditsinalyq saraptamasynyń qorytyndysy shyqqanda belgili bolatynyn jetkizdi.
