Almaty oblysynda 37 jastaǵy áiel 10 jasar ulyn pyshaqtap tastady, dep habarlaidy QazAqparat.
«3 qarasha kúni saǵat 15:00 shamasynda Ile aýdany Ótegen batyr kentindegi balalar aýrýhanasyna birneshe pyshaq jaraqatymen 10 jastaǵy bala jetkizildi. Tekserý barysynda sol kúni balanyń 37 jastaǵy anasy as úi bólmesinde oǵan kóptegen pyshaq jaraqatyn salǵany anyqtaldy.
Kúdikti ustalyp, politsiia bóliminde. Oǵan qatysty sot-psihiatriialyq saraptama taǵaiyndaldy, bultartpaý sharasyn tańdaý jáne ony psihologiialyq dispanserge ornalastyrý týraly másele qarastyrylýda», - delingen Almaty oblysynyń Politsiia departamenti baspasóz qyzmetiniń taratqan habarlamasynda.
Vedomstvonyń aqparatyna sáikes, zattai dáleldemeler men qylmys quraly – pyshaq tárkilenip, qylmystyq is materialdaryna tirkeledi.
Atalǵan derek boiynsha QR QK-niń 106-babymen («Densaýlyqqa qasaqana aýyr ziian keltirý») sotqa deiingi tergeý júrgizilýde. Birqatar saraptama taǵaiyndaldy. Tergeý barysynda istiń barlyq mán-jaiy anyqtalatyn bolady.
