Foto: Tengrinews.kz
Almaty oblysy Ile aýdanyna qarasty Jomart saiajaiynda bir otbasynyń tórt adamy kómirqyshqyl gazyna ýlanyp qaza boldy, - dep habarlaidy Tengrinews.kz agenttigi.
Almaty oblysy tótenshe jaǵdailar departamentiniń málimetinshe, 1970 jylǵy úi iesi men onyń úsh uly uiyqtap jatyp ýlanǵan. Bári qaza boldy. Bul ýaqytta marqumnyń áieli, balalardyń anasy úide bolmaǵan. Ol túngi aýysymda jumys istep, tańerteń úiine oralǵanda týǵandarynyń denesin tapqan.
Balalardyń úlkeni 13 jasta bolsa, ekeýi 8 jasta.
"Otbasy bul saiajaiǵa eki ai buryn Taraz qalasynan kóship kelgen. Qaza tapqandardyń anasy 1973 jyly týǵan azamat Ile aýdanyndaǵy mektepterdiń birinde aspaz bolyp jumys isteidi. Qaiǵyly jaǵdai bolǵan kúni marqum kúieýi tańǵy saǵat 5-te jubaiyn jumysqa aparyp, úiine qaitady. Shamamen 16.00-de jumystan qaitqan áiel olardy óli kúiinde tapqan. Marqumdar propan gazy ballonynan ýlanǵan", - dedi baspasóz qyzmetindegiler.
Anyqtalǵandai, er adam úiindegi gaz-peshine 25 litrlik gaz ballonyn óz qolymen qosyp qoiǵan.
Oqiǵa ornynda jedel top, Tótenshe jaǵdailar departamentiniń ǵylymi-zertteý synaq órt zerthanasy, sondai-aq jedel-tergeý toby men Ile aýdandyq ishki ister bólimi men jedel járdem jumys istedi.
