Almaty oblysynyń politseileri adam óltirdi degen kúdikke ilingen ózge el azamatyn Shymkent qalasynan izdep tapty, dep habarlaidy "Ult aqparat".
Almaty oblysynyń Talǵar aýdanynda bolǵan adam ólimine qatysty kúdiktilerdi anyqtaýǵa baǵyttalǵan jedel-izdestirý sharalary ótti. Onyń barysynda politseiler 50 jastaǵy kúdikti – Ózbekstan azamatyn Shymkent qalasynan ustady. Ol Talǵar qalasyna jetkizildi.
«Kúdikti retinde 1970 jyly týǵan Ózbekstan Respýblikasynyń azamaty ustaldy. Ol ishimdik iship otyrǵanda týyndaǵan janjal barysynda tanysyna pyshaq jaraqatyn salǵanyn jáne ol sonyń saldyrynan kóz jumǵanyn moiyndady. Qazir QR Qylmystyq kodeksiniń 99-babyna sáikes sotqa deiingi tergeý amaldary júrgizilýde. Kúdikti qamaqqa alyndy. Ózge aqparat tergeý qupiialylyǵyna bailanysty taratylmaidy», - dedi Talǵar aýdandyq politsiia bóliminiń bastyǵy Janbolat Ziadin.
Kúdikti asa aýyr qylmys jasaǵannan keiin oqiǵa ornynan iz sýytqan.
«Sonymen qatar, oqiǵanyń kýágeri bolǵan úshinshi adam da qamaqqa alyndy. Qazirgi ýaqytta oǵan qylmysty jasyrý deregi boiynsha aiyp taǵyldy. Budan bólek, kúdikti dep tanylǵan ózge memleket azamatynyń elimizge kelýiniń zańdylyǵy jáne nemen ainalysqany tolyqqandy tekseriletin bolady»,- dep tolyqtyrdy politsiia polkovnigi Janbolat Ziadin.
