Almaty oblysynda 82 jastaǵy qariianyń 800 myń teńge aqshasy urlandy. Jábirlenýshi bul qomaqty qarajatty óziniń jerleýine jinaǵanyn aitqan, - dep habarlaidy "Ult aqparat".
Almaty oblystyq Politsiia departamenti baspasóz qyzmetiniń málimetinshe, atalǵan fakti boiynsha 29 jastaǵy bir-birine týysqan áiel men er azamat ustaldy. Olar Almaty qalasynyń turǵyndary. Sondai-aq, ekeýiniń sybailasy 41 jastaǵy Eńbekshiqazaq aýdanynyń turǵyny da kúdikti retinde qolǵa tústi. Ustalǵandardyń sózinshe, qariiada qomaqty qarjy bar ekenin kúdikti áiel adam aitqan. Ol buǵan deiin de «tonaý» faktisi boiynsha sottalǵan. Sonyń aitýy boiynsha, eki er adam elektr mamany retinde qariianyń úiine baryp, 82 jastaǵy áiel adamdy skotchpen bailap, shkafta turǵan aqshasyn tonap ketken. Qazir kúdiktiler kúzetpen qamaýǵa alyndy. Bul is QR QK 192-baby 3-bóligi iaǵni, «Tonaý» deregi boiynsha tirkelip, sot-aldy tergeý júrip jatyr.
