Almaty oblysynda 7 myńnan astam kontrafaktili alkogol ónimderi tárkilendi, dep habarlaidy "Ult aqparat".
«Jambyl aýdany Uzynaǵash aýylynda «jalǵan» aktsizdik markalary jabystyrylǵan alkogol ónimderin satýmen ainalysqan azamattar anyqtaldy. Alǵashqy tergeý amaldary barysynda joǵaryda kórsetilgen mekenjaidan kólemi 0,5 litrden 1 litrge deiingi jalpy sany 7 myńnan astam kontrafaktili alkogol ónimderi jáne quramynda etil spirti bar 50 litr suiyqtyq tárkilendi. Bul alkogol ónimderi («Capital», «Kók Taý», «Qara-jorǵa», «Berezovaia», «Qazaqstan» markasyndaǵy koniak jáne «Belaia Loza», «Talas», «Agdam» sharaptary) araq-sharap shyǵaratyn arnaiy zaýytardyń ónimderine uqsastyrylyp daiyndalǵan. Keiin Almaty oblysy aýmaǵynda kóterme saýda retinde satylǵan», - dep málimdedi Almaty oblysy boiynsha Ekonomikalyq tergeý departamentiniń baspasóz qyzmetinen.
Qazir atalǵan fakti boiynsha QR QK-niń 233-baby 2-bóligine sáikes (ótkizý maqsatynda daiyndaý nemese satyp alý, sondai-aq jalǵan aktsizdik markalardy jáne (nemese)esepke alý-baqylaý markalaryn paidalaný nemese satý) is qozǵalyp sotqa deiingi tergeý amaldary júrgizilýde.
