Almaty oblysynda vaktsinatsiianyń jalǵan pasportyn jasaǵan 20 jastaǵy turǵyn ustaldy, dep habarlaidy QazAqparat.
Almaty oblystyq Politsiia departamenti baspasóz qyzmetiniń málimetinshe, kúdikti Qarasai aýdanynda qolǵa túsken. Ol qolhatpen jiberildi.
«Atalǵan fakti QR Qylmystyq kodeksiniń 385 baby 1-bóligi boiynsha tirkeldi. 8 qazan kúni Qarasai aýdanynda jedel-izdestirý sharasy kezinde Almaty oblystyq PD Ekstremizmge qarsy kúres basqarmasynyń qyzmetkerleri destrýktivti dini aǵym ókili, 20 jastaǵy turǵyndy ustady. Ol vaktsinatsiia pasportyn zańsyz rásimdeýmen ainalysyp kelgen», - delingen vedomstvo habarlamasynda.
Baspasóz qyzmetiniń aqparatyna sáikes, kúdiktige 160 AEK kóleminde iaǵni, 467 myń teńge aiyppul salynady nemese 160 saǵatqa qoǵamdyq jumysqa tartylady. Ne bolmasa 40 táýlikke qamaýǵa alynady. Al analizben qosyp, jalǵan vaktsinatsiia qujatyn jasaǵandarǵa 2 000 AEK kólmende iaǵni, 5,8 mln teńgege deiin aiyppul salynady. Ne bolmasa 600 saǵatqa qoǵamdyq jumysqa tartylady nemese 2 jylǵa deiin bas bostandyǵynan shekteý nemese aýyrý jasasyna tartylýy múmkin.
