QR Bilim jáne ǵylym ministrligine qarasty «Seismologiialyq tájiribe-ádistemelik ekspeditsiiasy» MM seismikalyq stantsiialar jelisi 6 maýsym kúni saǵat 06:10-da jer silkinisin tirkedi, dep habarlaidy "Ult aqparat".
«Jerasty dúmpýiniń oshaǵy Qazaqstan aýmaǵynda Almaty qalasynan soltústik-shyǵysqa qarai 244 shaqyrym qashyqtyqta ornalasqan. Energetikalyq sanaty – 12.2. MPV magnitýdasy – 6.2. Tereńdigi – 25 shaqyrym», - delingen habarlamada.
MSK-64 baǵany boiynsha sezilý týraly málimet: Taldyqorǵan, Tekeli, Qarabulaqta – 4 ball, Qapalda – 2-3 bal, Almatyda – shamamen 2 ball.
«JBO JP málimetinshe, patrýldik marshrýttardaǵy patrýldik jasaqtar eshteńe baiqamaǵan, jaǵdai turaqty. Turǵyndardan «112» jáne «101» jelilerine qońyraý kelip túsken joq. «Qazseldenqorǵaýdyń» habarlaýynsha, gidrotehnikalyq ǵimaratta deformatsiia, shógý jáne jaryqshaq baiqalǵan joq. Ózen arnalarynda lailylyq ádettegi shekte, qalypty rejimde aǵyp jatyr», - dep habarlady Almaty TJD.
