Almaty oblysynyń turǵyny krýpeniń qatysýymen zańsyz rýletka oiynyn uiymdastyrǵan, dep habarlaidy "Ult aqparat" QMA baspasóz qyzmetine silteme jasap.
"QMA Almaty oblysy boiynsha departamenti qyzmetkerleri tiisti ruqsat qujattarynsyz birneshe oiyn mekemelerinde "ústel-rýletkalardy" zańsyz ornatý faktilerin anyqtady.
Oiynǵa arnalǵan zaldary Almaty oblysynyń aýmaǵynda ornalasqan, tek oiyn avtomattarynyń qyzmetin júzege asyrýǵa ruqsat berilgen.
Alaida, mekeme uiymdastyrýshylary kiris alý maqsatynda, krýpeniń qatysýymen jumys isteitin "rýletkalardy" paidalanǵan, bul "Oiyn biznesi týraly" Zańyn buzý bolyp tabylady, óitkeni oiyn ústelderine ókilderdiń qatysýyna tek kazino úshin ruqsat etiledi" - delingen habarlamada.
Qazirgi tańda atalǵan derek boiynsha tergeý amaldary júrgizilip jatyr. QR Qylmystyq-protsesstik kodeksiniń 201-babyna sáikes ózge málimetter jariia etilmeidi.
