Almaty oblysynda koronavirýsqa qarsy vaktsinanyń birinshi dozasyn 513 109 adam alǵan. Bul osy aimaqtaǵy halyqtyń 42%-yn quraidy, dep habarlaidy "Ult aqparat".
Almaty oblysynyń sanitarlyq-epidemiologiialyq baqylaý departamentiniń boljamynsha, qyrkúiek aiynyń sońyna deiin jetisýlyqtardyń 60%-y ekpe alady.
Vaktsinatsiia – pandemiiany toqtatýdyń jalǵyz joly. Almaty oblysynda 22 shildedegi koronavirýs infektsiiasy boiynsha epidemiologiialyq ahýal nasharlaýda, oblys «qyzyl» aimaqta tur.
«2020 jyldyń naýryz aiynan beri óńirde 29 872 koronavirýstyń rastalǵan jaǵdaiy tirkelgen. Olardyń 19 167-si – simptommen. Sońǵy aptada Alakól, Balqash, Eńbekshiqazaq, Ile, Qarasai, Qaratal, Raiymbek, Talǵar aýdandarynda ósim qarqyny baiqalýda. Sońǵy táýlikte 178 KVI jaǵdaiy tirkelgen. «delta» shtammy eki adamnan anyqtaldy», - dep atap ótti Almaty oblysy sanitarlyq-epidemiologiialyq baqylaý departamentiniń baspasóz hatshysy Áliia Shaǵiahmet.
