Almaty oblysynyń taýlarynda taǵy da órt shyqty. Kýágerler Talǵar qalasy mańynda tutanǵan qyzyl jalynnyń videosyn áleýmettik jelilerge júktep dabyl qaǵa bastady, dep habarlaidy QazAqparat tilshisi.
«Oqiǵa keshe keshkisin bolǵan. Talǵar mańyndaǵy taýlarda qurǵaq shóp órtendi. Aýmaǵy shamamen 10 gektar. Eldi mekenderge eshqandai qaýip tóngen joq. Tilsiz jaýmen kúresýge tótenshe jaǵdai qyzmetkerlerimen jergilikti atqarýshy bilik ókilderi jumyldyryldy. Sondai-aq jalyndy aýyzdyqtaýǵa túnde jaýǵan jańbyr da óz úlesin qosyp, órt 21.14 tolyǵymen óshirildi», túsinikteme berdi Almaty oblystyq tótenshe jaǵdailar departamenti. Sondai-aq mamandar óńirde órt qaýipti kezeń saqtalyp turǵanyn eskertedi.
