الماتى وبلىسىنىڭ تاۋلارىندا تاعى دا ٶرت شىقتى. كۋەگەرلەر تالعار قالاسى ماڭىندا تۇتانعان قىزىل جالىننىڭ ۆيدەوسىن ەلەۋمەتتٸك جەلٸلەرگە جٷكتەپ دابىل قاعا باستادى, دەپ حابارلايدى قازاقپارات تٸلشٸسٸ.
«وقيعا كەشە كەشكٸسٸن بولعان. تالعار ماڭىنداعى تاۋلاردا قۇرعاق شٶپ ٶرتەندٸ. اۋماعى شامامەن 10 گەكتار. ەلدٸ مەكەندەرگە ەشقانداي قاۋٸپ تٶنگەن جوق. تٸلسٸز جاۋمەن كٷرەسۋگە تٶتەنشە جاعداي قىزمەتكەرلەرٸمەن جەرگٸلٸكتٸ اتقارۋشى بيلٸك ٶكٸلدەرٸ جۇمىلدىرىلدى. سونداي-اق جالىندى اۋىزدىقتاۋعا تٷندە جاۋعان جاڭبىر دا ٶز ٷلەسٸن قوسىپ, ٶرت 21.14 تولىعىمەن ٶشٸرٸلدٸ», تٷسٸنٸكتەمە بەردٸ الماتى وبلىستىق تٶتەنشە جاعدايلار دەپارتامەنتٸ. سونداي-اق ماماندار ٶڭٸردە ٶرت قاۋٸپتٸ كەزەڭ ساقتالىپ تۇرعانىن ەسكەرتەدٸ.
