Sońǵy aptada koronavirýspen aýyrǵandardyń ósý qarqyny Almaty oblysynda 0,6 protsentti qurap, ótken táýlikte 99 jaǵdai tirkelgen, - dep habarlaidy "Ult aqparat".
Infektsiialyq statsionardyń tolymdylyǵy 43 protsentti, reanimatsiialyq tósekter tolymdylyǵy 15 protsentti qurap otyr. Bul týraly búgin Úkimet otyrysynda óńirdegi sanitarlyq-epidemiologiialyq jaǵdai týraly qysqasha baiandaǵan oblys ákimi Amandyq Batalov aitty.
Óńir basshysynyń aitýynsha, oblystyń meditsinalyq uiymdary qajetti jabdyqtarmen jáne dárilik preparattarmen qamtamasyz etilgen. Infektsiialyq statsionardaǵy tósekter sany 412-ge kóbeitilip, qazir sany 1 550 birlikke jetkizildi.
Biylǵy jyldyń basynan bastap 11 PTsR-zerthanasynda 137 myń test ótkizilgen. 391 mobildi brigada koronavirýs kúdigi bar naýqastardyń úiine baryp 50,7 myńnan astam meditsinalyq qyzmet kórsetti.
Oblysta aýrý deńgeiiniń ósýine bailanysty karantin rejimi kúsheitildi.
Belgili bolǵandai, mektepke deiingi mekemelerdiń, qoǵamdyq tamaqtaný obektileriniń, dini uiymdarynyń, qoǵamdyq monshalar men kólik jumysy saǵat 17-ge deiin, oiyn-saýyq obektileri men meiramhanalardyń jumysy saǵat 21-ge deiin kelýshiler sanyn eskere otyryp shekteldi. Demalys kúnderi oblysta tolyq lokdaýn engiziledi.
«Almaty qalasy men oblys arasynda halyq kóshi-qonynyń jiileýine bailanysty qala mańyndaǵy Jambyl, Qarasai, Talǵar, Eńbekshiqazaq, Ile aýdandarynda aýrý deńgeiiniń birshama ósýi baiqalady, bas sanitarlyq dárigerler shekteý sharalaryn kúsheitý jóninde jekelegen qaýlylar qabyldady», - dep atap ótti A.Batalov.
