Almaty oblysynyń ákimdigi Arys qalasynyń 150 balasyn jazǵy lagerge qabyldaýǵa daiyn. Sondai-aq erteń Túrkistan oblysyna 8 aýyr júk kóligi gýmanitarlyq kómek jetkizý maqsatynda jolǵa shyǵady, – dep habarlaidy QazAqparat.
«Almaty oblysy Arystaǵy aǵaiynǵa qoldan kelgen kómekti kórsetýge daiyn. Jetisý óńiri Arystaǵy 150 balanyń jazǵy demalysyn jaqsy ótkizý maqsatynda lagerge qabyldaimyz. Sonymen qatar erteń 8 aýyr júk kóligi Túrkistan oblysyna gýmanitarlyq kómekti jetkizedi» dedi Almaty oblysy ákiminiń baspasóz qyzmetiniń jetekshisi Ǵalymurat Júkel.
Esterińizge sala keteiik, Almaty oblysyndaǵy memlekettik qyzmetshiler, vedomstvolyq jáne biýdjettik mekeme jumysshylary Arys turǵyndaryna qoldaý kórsetý maqsatynda birkúndik jalaqysyn aýdaratynyn buǵan deiin habarlaǵanbyz. Sondai-aq óńirde #JetisýAryspenBirge heshtegi aiasynda túrli qaiyrymdylyq aktsiialary uiymdastyrylýda.
