Buǵan deiin Almaty oblys ákimi apparatynyń jetekshisi bolǵan Batyrjan Baijumanov endi ákimniń ideologiia salasyna jaýapty orynbasary bolyp taǵaiyndaldy, dep habarlaidy "Ult aqparat".
Batyrjan Qulaimergenuly 1976 jyly týǵan, bilimi joǵary. 1998 jyly Qazaq memlekettik agrarlyq, 2005 jyly Abai atyndaǵy Qazaq ulttyq pedagogikalyq ýniversitetterin ǵalym-agronom, memlekettik basqarý menedjeri mamandyqtary boiynsha bitirgen.
Eńbek jolyn 1999 jyly bastaǵan. Ár jyldary QR Premer-Ministri jáne QR Prezidenti Keńselerinde bas sarapshy, Prezident Ákimshiliginiń Memlekettik inspektory, Qazaqstan Respýblikasy aýyl sharýashylyǵy ministrliginiń «KazAgroInnovatsiia», «Ulttyq agrarlyq ǵylymi-bilim berý ortalyǵy» aktsionerlik qoǵamdary tóraǵasynyń orynbasary, 2017 jyldan osy ýaqytqa deiin oblys ákimi apparatynyń basshysy boldy.
«Buǵan deiin bul qyzmetti Aqan Ábdýáliev atqarǵan. Ol ózine artylǵan mindetti tolyqtai oryndady. Negizi, Almaty oblysyna kelgisi keletinder kóp. Biraq men Prezident ákimshiligimen kelise otyryp, orynbasar laýazymyna oblysty biletin, menimen birge jumys istegen kadrdy taǵaiyndap otyrmyn. Eńbegiń jemisti bolsyn», dedi oblys ákimi Amandyq Batalov.
Al, Almaty oblysy ákiminiń apparaty jetekshisi laýazymyna Temirlan Bektasov taǵaiyndaldy.
Temirlan Amangeldiuly 1969 jyly týǵan, bilimi joǵary. 1999 jyly Qazaq memlekettik sáýlet-qurylys akademiiasyn qurylys injeneri mamandyǵy boiynsha bitirip, eńbek jolyn bastap ketken. 1999-2017 jyldar aralyǵynda Qarasai aýdandyq sáýlettendirý jáne júieleý basqarmasynyń tehnigi, injeneri, bólim meńgerýshisi, «Sáýlet» memlekettik-qazynalyq kásiporyny direktorynyń orynbasary, Jambyl, Qarasai aýdandyq sáýlet jáne qala qurylysy bólimderiniń bastyǵy, Almaty oblystyq memlekettik sáýlet-qurylys baqylaý basqarmasynyń bastyǵy, Kerbulaq aýdany Taldybulaq aýyldyq okrýginiń ákimi, oblystyq qurylys basqarmasy bastyǵynyń orynbasary, basshysy laýazymdaryn atqarǵan. 2017 jyldan osy ýaqytqa deiin Panfilov aýdany ákimi laýazymynda jumys istedi.
Jiyn sońynda oblys ákimi erteń Talǵar, Panfilov jáne Raiymbek aýdandaryna baryp, óńir aktivterine jańa basshylardy tanystyratynyn aitty.
