بۇعان دەيٸن الماتى وبلىس ەكٸمٸ اپپاراتىنىڭ جەتەكشٸسٸ بولعان باتىرجان بايجۇمانوۆ ەندٸ ەكٸمنٸڭ يدەولوگييا سالاسىنا جاۋاپتى ورىنباسارى بولىپ تاعايىندالدى, دەپ حابارلايدى "ۇلت اقپارات".
باتىرجان قۇلايمەرگەنۇلى 1976 جىلى تۋعان, بٸلٸمٸ جوعارى. 1998 جىلى قازاق مەملەكەتتٸك اگرارلىق, 2005 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتتەرٸن عالىم-اگرونوم, مەملەكەتتٸك باسقارۋ مەنەدجەرٸ ماماندىقتارى بويىنشا بٸتٸرگەن.
ەڭبەك جولىن 1999 جىلى باستاعان. ەر جىلدارى قر پرەمەر-مينيسترٸ جەنە قر پرەزيدەنتٸ كەڭسەلەرٸندە باس ساراپشى, پرەزيدەنت ەكٸمشٸلٸگٸنٸڭ مەملەكەتتٸك ينسپەكتورى, قازاقستان رەسپۋبليكاسى اۋىل شارۋاشىلىعى مينيسترلٸگٸنٸڭ «كازاگرويننوۆاتسييا», «ۇلتتىق اگرارلىق عىلىمي-بٸلٸم بەرۋ ورتالىعى» اكتسيونەرلٸك قوعامدارى تٶراعاسىنىڭ ورىنباسارى, 2017 جىلدان وسى ۋاقىتقا دەيٸن وبلىس ەكٸمٸ اپپاراتىنىڭ باسشىسى بولدى.
«بۇعان دەيٸن بۇل قىزمەتتٸ اقان ەبدۋەليەۆ اتقارعان. ول ٶزٸنە ارتىلعان مٸندەتتٸ تولىقتاي ورىندادى. نەگٸزٸ, الماتى وبلىسىنا كەلگٸسٸ كەلەتٸندەر كٶپ. بٸراق مەن پرەزيدەنت ەكٸمشٸلٸگٸمەن كەلٸسە وتىرىپ, ورىنباسار لاۋازىمىنا وبلىستى بٸلەتٸن, مەنٸمەن بٸرگە جۇمىس ٸستەگەن كادردى تاعايىنداپ وتىرمىن. ەڭبەگٸڭ جەمٸستٸ بولسىن», دەدٸ وبلىس ەكٸمٸ اماندىق باتالوۆ.
ال, الماتى وبلىسى ەكٸمٸنٸڭ اپپاراتى جەتەكشٸسٸ لاۋازىمىنا تەمٸرلان بەكتاسوۆ تاعايىندالدى.
تەمٸرلان امانگەلدٸۇلى 1969 جىلى تۋعان, بٸلٸمٸ جوعارى. 1999 جىلى قازاق مەملەكەتتٸك سەۋلەت-قۇرىلىس اكادەميياسىن قۇرىلىس ينجەنەرٸ ماماندىعى بويىنشا بٸتٸرٸپ, ەڭبەك جولىن باستاپ كەتكەن. 1999-2017 جىلدار ارالىعىندا قاراساي اۋداندىق سەۋلەتتەندٸرۋ جەنە جٷيەلەۋ باسقارماسىنىڭ تەحنيگٸ, ينجەنەرٸ, بٶلٸم مەڭگەرۋشٸسٸ, «سەۋلەت» مەملەكەتتٸك-قازىنالىق كەسٸپورىنى ديرەكتورىنىڭ ورىنباسارى, جامبىل, قاراساي اۋداندىق سەۋلەت جەنە قالا قۇرىلىسى بٶلٸمدەرٸنٸڭ باستىعى, الماتى وبلىستىق مەملەكەتتٸك سەۋلەت-قۇرىلىس باقىلاۋ باسقارماسىنىڭ باستىعى, كەربۇلاق اۋدانى تالدىبۇلاق اۋىلدىق وكرۋگٸنٸڭ ەكٸمٸ, وبلىستىق قۇرىلىس باسقارماسى باستىعىنىڭ ورىنباسارى, باسشىسى لاۋازىمدارىن اتقارعان. 2017 جىلدان وسى ۋاقىتقا دەيٸن پانفيلوۆ اۋدانى ەكٸمٸ لاۋازىمىندا جۇمىس ٸستەدٸ.
جيىن سوڭىندا وبلىس ەكٸمٸ ەرتەڭ تالعار, پانفيلوۆ جەنە رايىمبەك اۋداندارىنا بارىپ, ٶڭٸر اكتيۆتەرٸنە جاڭا باسشىلاردى تانىستىراتىنىن ايتتى.
