Almaty oblysy ákiminiń áleýmettik máseleler boiynsha orynbasary bolyp Aqan Ábdýáliev taǵaiyndaldy, dep habarlaidy "Ult aqparat".
«Oblys ákimi Amandyq Batalov óńir aktivin jańa orynbasarymen tanystyrdy. Prezident Ákimshiliginiń kelisýimen jáne ákimniń Ókimimen bul laýazymǵa Aqan Ábdýáliev taǵaiyndaldy. Óńir basshysy orynbasarynyń aldyna qoiylǵan birqatar mindetti atap ótip, olardyń keibirin qysqa merzim ishinde oryndaý kerektigin aitty», - delingen oblys ákimdiginiń baspasóz qyzmeti taratqan aqparatta.
Aqan Ádýáliev 1975 jyly Almaty oblysynda dúniege kelgen.
2005 jyly Qurmanǵazy atyndaǵy Qazaq ulttyq konservatoriiasyn, 2012 jyly Almaty ekonomika jáne statistika akademiiasyn támamdaǵan. Kei jyldary Súiinbai atyndaǵy oblystyq filarmoniiada, Elebekov atyndaǵy estrada jáne tsirk kolledjinde (solist), Qurmanǵazy atyndaǵy Qazaq óner akademiiasynda (oqytýshy), Júrgenov atyndaǵy Qazaq Ulttyq akademiiasynyń «Dástúrli án» kafedrasynda (dekan) qyzmet atqarǵan. 2008-2015 jyldar aralyǵynda Jubanov atyndaǵy daryndy balalarǵa arnalǵan respýblikalyq mamandandyrylǵan qazaq mýzyka mektep-internatynda mýzykalyq jumystar boiynsha direktor, keiin mektep-internatynyń direktory boldy. 2015 jyly 16 qańtarda Mádeniet jáne sport ministriniń buiryǵymen Jambyl atyndaǵy Qazaq memlekettik filarmoniiasynyń direktory bolyp taǵaiyndaldy. 2016 jyldyń 1 maýsymynan bastap búgingi kúnge deiin Almaty oblysynyń mádeniet, arhivter jáne qujattama basqarmasyn basqardy.
Esterińizge sala keteiik, buǵan deiin Almaty oblysy ákiminiń áleýmettik máseleler jónindegi orynbasary qyzmetin Jaqsylyq Omar atqarǵan edi.
Jaqsylyq Muqashulynyń Óskemen qalasynyń ákimi qyzmetine taǵaiyndalǵanyn buǵan deiin jazǵan bolatynbyz.
