Buǵan deiin Almaty oblystyq Ishki saiasat basqarmasyn basqarǵan Rýstam Áli Amandyq Batalovtyń orynbasary bolyp taǵaiyndaldy, - dep habarlaidy "Ult aqparat".
Rýstam Áli 1984 jyly týǵan.
Ál-Farabi atyndaǵy Qazaq ulttyq ýniversitetin Shyǵystaný mamandyǵy boiynsha (bakalavr, magistratýra, doktorantýra), I. Jansúgirov atyndaǵy memlekettik ýniversitetin qarjy mamandyǵy boiynsha bitirgen. Filosofiia doktory (PhD). Birqatar ǵylymi zertteý kitabynyń avtory jáne birlesken avtory.
Eńbek jolyn Almaty qalasynda «Delovaia nedelia» gazetiniń tilshisi bolyp bastaǵan. Keiin Centralasiaonline.com saitynda frilanser, «Kaspii» Orta Aziia men Kavkazdaǵy etnomádeni jáne geosaiasi zertteýler jýrnalynyń Qazaqstandaǵy resmi ókili, «Delovaia nedelia» gazetiniń halyqaralyq bóliminiń redaktory, ál-Farabi atyndaǵy Qazaq ulttyq ýniversitetiniń Shyǵystaný fakýltetiniń oqytýshysy, «Delovaia nedelia» gazeti bas redaktorynyń orynbasary, Taldyqorǵandaǵy «Jetisý jastary» MQKK direktory, I. Jansúgirov atyndaǵy JMÝ-dyń jýrnalistika kafedrasynyń oqytýshysy, Eskeldi aýdany Qainarly aýyldyq okrýginiń ákimi, Almaty oblysynyń jastar saiasaty máseleleri jónindegi basqarmasynyń basshysy, «QR Prezidenti janyndaǵy Memlekettik basqarý akademiiasynyń» Almaty oblysy boiynsha filialynyń oqytýshysy boldy.
2016 jyldyń mamyrynan osy ýaqytqa deiin Almaty oblysynyń ishki saiasat basqarmasynyń basshysy qyzmetin atqardy.
