Almaty oblysynda jan túrshigerlik jol apatynan zardap shekken bes jasar qyzǵa arnaiy mamandar shaqyrtyldy, - dep habarlaidy QazAqparat.
Esterińizge sala ketsek, keshe Shonjy-Aqsý-Uzyntam tasjolynda qarama-qarsy kele jatqan eki kólik soǵylyp, otqa oranǵan bolatyn.
Qaiǵyly oqiǵada bes adam qaitys bolyp, bir bala ǵana aman qalǵan. Qazirgi tańda qyz balanyń jaǵdaiy aýyr. Aiaq-qoldary synyp, bas-mi jaraqatyn alǵan. Ish qurylysyna qatty zaqym kelgen. Jedel operatsiia jasalyp, balanyń kók baýyryn alyp tastaýǵa týra keldi. Oblystyq aýmaqtyq balalar aýrýhanasynan bilikti dárigerler shaqyrtylyp, naýqasty aman alyp qalýǵa barlyq jaǵdai jasalyp jatyr.
"Neirohirýrg, travmatolog, reanimatolog dárigerler kelip, barlyǵynyń kómeginiń nátijesinde qazir bala tiri. Jaǵdaiy aýyr bolsa da turaqty", - dedi Uiǵyr aýdandyq aýrýhanasy bas dárigeriniń orynbasary Ánýar Rashidov.
