FlyArystan áýe kompaniiasy jaqynda Almaty - Nur-Sultan reisi bortynda bagajǵa qatysty shyqqan janjaldyń egjei-tegjeii týraly aitty, dep habarlaidy "Ult aqparat".
Kompaniia Almaty - Nur-Sultan reisiniń ushaǵynda janjal shyǵarǵan jolaýshylardyń videosyn kórsetti. Beinejazbadan jolaýshy men onyń áieli reiske birneshe sómkemen bara jatqanyn kórýge bolady.
«FlyArystan KS7055 reisinde jolaýshy beinebaqylaý kameralaryndaǵy jazbaǵa sáikes, 2 qol sómkemen ushaqqa kirgen. Onyń artyndaǵy jubaiynda da qol sómkesi bolǵan. Osylaisha olar eki adamǵa 2-den artyq qol júgin alyp kirdi», - delingen FlyArystan áýe kompaniiasynyń habarlamasynda.
Áýe kompaniiasynyń baspasóz qyzmetiniń málimetine súiensek, jolaýshyǵa tirkeý kezinde jáne bortqa otyrǵyzý rásimi kezinde júgin tirkemese, reiske jiberilmeitini týraly eki ret eskertilgen. Óitkeni tasymaldaý erejelerine sáikes bortqa bir qol júgi bar jolaýshylar jiberiledi. Biraq jolaýshy aviakompaniia qyzmetkerleriniń talabyn oryndamady. Jolaýshy ashýlanyp, qyzmetkerdi iterip, bortqa kirdi.
«Nátijesinde QR Investitsiialar jáne damý ministriligimen bekitilgen jolaýshylardy, bagajdy jáne júkti áýe kóligimen tasymaldaý erejesiniń 22-tarmaǵyna sáikes aviakompaniianyń birjaqty tártibimen jolaýshyny shyǵarý týraly akt jasalyp politsiia qyzmetkerleri shaqyryldy. Buǵan jaýap retinde jolaýshy men onyń dostary bortta janjal shyǵaryp, jaǵdaidy uialy telefonǵa túsirdi. Atalǵan fakt boiynsha politsiia qyzmetkerleri ákimshilik quqyq buzýshylyq týraly hattama jasady», - dep habarlady vedomstvadaǵylar.
