Almaty - Nur-Sultan reisi ushaǵynda jolaýshy janjal shyǵardy, dep habarlaidy "Ult aqparat".
FlyArystan baspasóz qyzmeti oqiǵanyń 30 mamyrda bolǵanyn habarlady.
«Janjal shyǵarǵan jolaýshyny ushaqtan shyǵarýǵa bailanysty reis keshikti. Jolaýshyǵa tirkeý kezinde jáne bortqa otyrǵyzý rásimi kezinde júgin tirkemese, reiske jiberilmeitini týraly eki márte eskertildi. Óitkeni tasymaldaý erejelerine sáikes bortqa bir qol júgi bar jolaýshylar ǵana jiberiledi» dep málim etti kompaniianyń baspasóz qyzmeti.
Ondaǵylardyń aitýynsha, atalǵan jolaýshy aviakompaniia qyzmetkerleri talabyn oryndamaǵan. Jolaýshy ashý-yzasyn kórsetip, qyzmetkerdi iterip, bortqa kiredi.
«Basqa jolaýshylarǵa qolaisyzdyq týǵyzǵany ókinishti. Alaida aviakompaniia erejelerin saqtamaǵan jaǵdaida biz aviatsiialyq qaýipsizdik rásimderin ustanýǵa májbúrmiz. Jolaýshyny borttan shyǵarǵan kezde biz áýe kemesi men jolaýshylardy qaita tekserýge tiispiz», - dep túsindirdi FlyArystan baspasóz qyzmeti.
