Almaty «Metropoliten» KMK basshylyǵyna Erbol Ábildinov taǵaiyndaldy. Bul týraly uiymnyń baspasóz qyzmeti habarlaidy.
Erbol Ábildinov buǵan deiin «Almatymetroqurylys» AQ basqarǵan.
54 jastaǵy qalalyq jerasty metrosynyń jańa basshysy Jezqazǵan qalasynda dúniege kelgen. Almaty sáýlet-qurylys institýtyn (ASQI), «Narhoz» ýniversitetin bitirgen ol mansabyn sáýletshi jáne ekonomist mamandyǵynan bastaǵan. 2017 jyldyń naýryz aiynan «Almatymetroqurylys» AQ bas direktory laýazymynda qyzmet atqarǵan.
Jolaýshylar kóligi jáne avtomobil joldary basqarmasy basshysynyń orynbasary Qanat Baiqońyrov jańa basshyny atalǵan uiym qyzmetkerlerine tanystyrdy.
