8 maýsymnan bastap Almaty men Samarqan qalasy arasynda jańa halyqaralyq turaqty reister iske qosylady, dep habarlaidy "Ult aqparat".
Reister A-320/321 tipti áýe kemelerinde «Eir Astana» (3,7 kúnderi) jáne Uzbekistan Airways (2,6 kúnderi) áýe kompaniialarynyń ushaǵymen aptasyna 4 márte jasalady.
«Jańa halyqaralyq baǵyttyń ashylýy Qazaqstan men Ózbekstan arasyndaǵy saýda-ekonomikalyq, mádeni jáne týristik qatynastardy odan ári damytýǵa yqpal etedi» dep málim etti Azamattyq aviýatsiia komiteti.
Reister sanitarlyq-epidemiologiialyq talaptardy qatań saqtai otyryp jáne áýe kompaniialardyń saittarynda jariialanǵan kestege sáikes oryndalady.
Sonymen qatar, biylǵy naýryz aiynda Qazaqstan men Ózbekstan arasynda Aqtaý - Úrgenish jańa halyqaralyq reisi iske qosylǵan bolatyn.
Reisterdi SCAT jáne Uzbekistan Airways áýe kompaniialary oryndaidy.
Jalpy, qazirgi ýaqytta eki el arasynda Nur-Sultan - Tashkent, Almaty - Tashkent jáne Aqtaý - Úrgenish baǵyttary boiynsha 24 turaqty reis bar.
