Almaty qalasynda biyl ashylatyn mektepteriniń birine ulaǵatty ustaz Rafiqa Nurtazinanyń esimi berilmek. Bul jaiynda Senat depýtattarynyń saýalyna QR Premer-Ministri Asqar Maminniń jaýabynda aitylǵan, dep habarlaidy "Ult aqparat".
«Elimizdiń bilim salasynyń damýyna eleýli úles qosqan ulaǵatty ustaz R. Nurtazinanyń esimin ardaqtaý boiynsha tiisti sharalar qabyldanýda. 2018 jyly Almaty qalasynyń Bostandyq aýdanynyń «Nurlytaý» shaǵyn aýdanyndaǵy burynǵy Yntymaq kóshesine Rafiqa Bekenqyzy Nurtazinanyń esimi berildi», - dedi Úkimet basshysy.
Onyń atap ótýinshe, ótken jylǵy Almaty qalasynyń Tarihi jáne mádeni eskertkishterdi qorǵaý jónindegi komissiiasynyń sheshimine sáikes Shoqan Ýálihanov atyndaǵy № 12 mektep qabyrǵasyna R.Nurtazinaǵa arnalǵan memorialdyq taqta ornatyldy.
«Qazirgi kezde Almaty qalasynyń ákimdigi qalada 2021 jyly ashý josparlanǵan jańa mektepterdiń birine R. Nurtazinanyń esimin berý máselesin pysyqtaýda. Bul másele mektep qurylysy aiaqtalǵannan keiin Almaty qalasy ákimdigi usynysynyń negizinde Úkimet janyndaǵy Respýblikalyq onomastika komissiiasynyń otyrysyna shyǵarylady», - dedi Asqar Mamin.
