Almatydaǵy «Jańa Ǵasyr» №175 gimnaziianyń direktory Gaýhar Mánekeeva onlain formatta ótken jalpy respýblikalyq pedagogikalyq keńeste kóterilgen máseleler týraly aityp berdi, dep habarlaidy QazAqparat.
Gimnaziia direktory Gaýhar Mánekeevanyń aitýynsha, búgin ótken pedagogtar keńesine 100-den astam muǵalim, qamqorshylyq keńes músheleri, «Darin» onlain platformasynyń qurýshysy qatysty.
Pedagogikalyq keńeste jańa oqý jylyna daiyndyq, sabaq ótý protsesi talqylandy.
«Keńes barysynda qashyqtan ótkizetin sabaqty ázirleý algoritmi, 1-4 synyp arasyndaǵy kezekshi synyp jumysy talqylandy. Muǵalimder bilim berý internet platformasyn paidalaný erejesimen tanysty. Jańa oqý jylynda bilim alýshylardyń baǵalaý erekshelikteri de sóz boldy. Ata-analarymen tyǵyz bailanys ornatý kerektigi de aityldy», – deidi №175 gimnaziianyń direktory Gaýhar Mánekeeva.
Onyń sózinshe, mektep jańa oqý jylyna 100 paiyz daiyn.
«Qashyqtan oqytý protsesin joǵary deńgeide uiymdasqan túrde bastaǵaly otyrmyz. Gimnaziia kompiýter, noýtbýk, planshettermen qamtamasyz etti. Tehnikalyq quraldar, internet bar. Muǵalimder oqýshylarǵa qashyqtan bilim berýge ázir. Turmysy tómen otbasynan shyqqan 155 balaǵa planshet beriledi. Oqýshylardyń bilimin baǵalaý elektrondy jýrnaldar arqyly júzege asyrylady», – dep atap ótti gimnaziia direktory.
