Bek Air áýe kompaniiasy kottedj iesine tiisti qujattardy usynǵan jaǵdaida ótemaqy tóleidi. Bul týraly kompaniia basshysy Nurlan Jumasultanov málimdedi, dep habarlaidy "Ult aqparat".
Nurlan Jumasultanovtyń aitýynsha, eger bul qurylys bolmaǵanda jolaýshylar aman qalar edi.
«Sizder túsinińizder, mundai jaǵdaida ushaq shassisiz jáne qozǵaltqyshsyz qonýy ábden múmkin. Eger ushaq úige soǵylmasa, onda ushaq aman qalar edi. Úidiń qujaty bolýy kerek. Úi iesi qujattardy usynýy qajet. Ol zańdy ma, joq pa?!», - dedi Bek Eir basshysy.
Atap ótsek, qaiǵyly oqiǵa 27 jeltoqsan tańerteń boldy. Bek Air áýe kompaniiasynyń "Almaty – Nur-Sultan" baǵytyndaǵy Fokker 100 ushaǵy Almaty mańyna qulady.
Ushaqta 93 jolaýshy men 5 ekipaj múshesi bolǵan. Apat 12 adamnyń ómirin qidy, qaza bolǵandardyń ishinde ushaq komandiri bar. Ekinshi ushqysh qazir aýrýhanada jansaqtaý bóliminde jatyr.
Prezident tapsyrmasymen Premer-ministr jetekshilik etetin komissiia quryldy. Toqaev apattyń sebebin anyqtap, kinálilerdi qatań jazalaýdy tapsyrdy. 28 jeltoqsan elimizde jalpyulttyq aza tutý kúni bolyp jariialandy.
