video kadry
Almaty mańyndaǵy tasjolda júrgizýshiler tóbelesi videoǵa túsip qaldy, - dep habarlaidy «Ult aqparat» Tengrinews.kzke silteme jasap.
Video áleýmettik jelilerde paida boldy. Kadrlarda bir júrgizýshiniń kóliktegi ekinshi júrgizýshini soqqyǵa jyǵyp jatqanyn kórýge bolady. Munyń bári jol ústinde bolady.
Kýágerdiń aitýynsha, bul Almaty-Bishkek tasjolynda, Almaty mańynda bolǵan.
Almaty oblysynyń politseileri jolda tóbeles shyǵarǵandar anyqtalǵanyn habarlady. Qamaýǵa alý sharalary júrgizilip jatyr.
"Oqiǵany Qarasai aýdandyq politseileri buzaqylyq deregi boiynsha tirkedi. Qazirgi ýaqytta janjalǵa qatysýshylardy anyqtaý jáne ustaý boiynsha jedel-izdestirý sharalary júrgizilip jatyr. Basqa málimetter qosymsha beriledi", - dep habarlady Almaty oblystyq PD baspasóz qyzmeti.
