Almatyda aidyń-kúnniń amanynda qolyna qarý alyp, jergilikti turǵyndardyń úreiin ushyrǵan er adam 3-7 jylǵa deiin bas bostandyǵynan aiyrylýy múmkin. Bul týraly Alataý aýdanynyń prokýrory Izbasar Masaqbaev aitty, dep habarlaidy "Ult aqparat "Almaty.tv arnasyna silteme jasap.
10 shilde keshki saǵat 10.00-de «Alataý siti» turǵyn úi kesheniniń 37 jastaǵy turǵyny «Vepr» markaly atys qarýyn alyp birneshe ret oq atqan. Abyroi bolǵanda eshkim jaralanǵan joq.
Politsiia departamenti onyń bul áreketin otbasyndaǵy janjalmen bailanystyryp otyr. Alys sapardan kelgen júk kóliginiń júrgizýshisi áielimen sózge kelip qalǵan.
Quzyrly organ ókildiginiń habarlaýynsha, iske qatysty sotqa deiingi tergeý bastalǵan.
«Mamandandyrylǵan aýdanaralyq sotynyń sheshimimen 2 ai merzimge kúzetpen ustaý túrindegi bultartpaý sharasy saktsiialandy. Atalǵan azamattyń is-áreketin aqtaýǵa kelmeidi. Sebebi ol yqshamaýdanda 2 myńnan astam azamat turady. Qarý ustaýǵa, saqtaýǵa onyń ruqsat qaǵazy bar. Biraq orynsyz qarý qoldaný, kópshiliktiń úreiin alý tergeý kezinde saraptalady», – dedi Alataý aýdanynyń prokýrory Izbasar Masaqbaev.
