الماتىدا ايدىڭ-كٷننٸڭ امانىندا قولىنا قارۋ الىپ, جەرگٸلٸكتٸ تۇرعىنداردىڭ ٷرەيٸن ۇشىرعان ەر ادام 3-7 جىلعا دەيٸن باس بوستاندىعىنان ايىرىلۋى مٷمكٸن. بۇل تۋرالى الاتاۋ اۋدانىنىڭ پروكۋرورى ٸزباسار ماساقباەۆ ايتتى, دەپ حابارلايدى "ۇلت اقپارات "Almaty.tv ارناسىنا سٸلتەمە جاساپ.
10 شٸلدە كەشكٸ ساعات 10.00-دە «الاتاۋ سيتي» تۇرعىن ٷي كەشەنٸنٸڭ 37 جاستاعى تۇرعىنى «ۆەپر» ماركالى اتىس قارۋىن الىپ بٸرنەشە رەت وق اتقان. ابىروي بولعاندا ەشكٸم جارالانعان جوق.
پوليتسييا دەپارتامەنتٸ ونىڭ بۇل ەرەكەتٸن وتباسىنداعى جانجالمەن بايلانىستىرىپ وتىر. الىس ساپاردان كەلگەن جٷك كٶلٸگٸنٸڭ جٷرگٸزۋشٸسٸ ەيەلٸمەن سٶزگە كەلٸپ قالعان.
قۇزىرلى ورگان ٶكٸلدٸگٸنٸڭ حابارلاۋىنشا, ٸسكە قاتىستى سوتقا دەيٸنگٸ تەرگەۋ باستالعان.
«مامانداندىرىلعان اۋدانارالىق سوتىنىڭ شەشٸمٸمەن 2 اي مەرزٸمگە كٷزەتپەن ۇستاۋ تٷرٸندەگٸ بۇلتارتپاۋ شاراسى ساكتسييالاندى. اتالعان ازاماتتىڭ ٸس-ەرەكەتٸن اقتاۋعا كەلمەيدٸ. سەبەبٸ ول ىقشاماۋداندا 2 مىڭنان استام ازامات تۇرادى. قارۋ ۇستاۋعا, ساقتاۋعا ونىڭ رۇقسات قاعازى بار. بٸراق ورىنسىز قارۋ قولدانۋ, كٶپشٸلٸكتٸڭ ٷرەيٸن الۋ تەرگەۋ كەزٸندە ساراپتالادى», – دەدٸ الاتاۋ اۋدانىنىڭ پروكۋرورى ٸزباسار ماساقباەۆ.
