Almatynyń meditsinalyq mekemeleri koronavirýstyń «Omikron» shtamynyń yqtimal órshýine daiyn ba? degen saýalǵa qalalyq sanitariialyq-epidemiologiialyq baqylaý departamenti basshysynyń orynbasary Ásel Qalyqova jaýap berdi, dep habarlaidy QazAqparat.
«Barlyq meditsinalyq uiymdar koronavirýspen kúresýge daiyn. Pandemiia bastalǵannan beri qaladaǵy meditsinalyq mekemeler men juqpaly aýrýlar aýrýhanalary aýrýdy emdep jatyr. Mamandar birneshe ret oqýdan ótti. «Delta» shtamyna qatysty da, dál osyndai alańdaýshylyq boldy. Al, daiyndyq únemi júrgizildi. Búgingi tańda Almatyda aýrýhanalardaǵy infektsiialyq tósek-oryndar jetkilikti mólsherde ázirlendi. Sondyqtan, bizdiń meditsina qyzmetkerleri daiyn emes nemese tósek jetispeidi degen alańdaýshylyq týraly aitý múmkin emes dep oilaimyn», - dedi Ásel Qalyqova brifing barysynda.
Sondai-aq, ol álemde «omikron» shtamy anyqtalýyna bailanysty Almatyda shekteý sharalary kúsheitilýi múmkin ekeni týraly aitty.
Onyń aitýynsha, shekteý sharalary Densaýlyq saqtaý ministrligi sheshimine sáikes qabyldanady.
«Shekteýlerge keletin bolsaq, bári koronavirýstyń jańa shtamynyń anyqtalýyna, epidemiologiialyq jaǵdaiǵa bailanysty. Bul sheshimdi Densaýlyq saqtaý ministrligi qabyldaidy, ol habarlanyp, halyqqa jetkiziledi. Eger qandai da bir qosymsha shekteý sharalardy Almatyda engizý qajet bolsa, onda da epidemiologiialyq jaǵdaiǵa qarai engiziledi», - dedi spiker.
