Almaty qalasy «Atameken» kásipkerler palatasynyń direktory Aitýar Qoshmambetov óńirlik kommýnikatsiialar qyzmetiniń onlain brifingisinde «Ashyq» pilottyq jobasyna qatysýǵa ótinim berý algoritmderi týraly aitty, dep habarlaidy QazAqparat.
«Búgin Almaty qalasy ákimdiginiń saityndaǵy tizimde pilottyq jobaǵa 264 biznes nysandardyń qatysatyny, bir qatysýshy ótiniminiń óńdelip jatqany, 92 qatysýshy QR-kodyn alý satysynda ekendigi jariialanǵan. Pilottyq jobanyń arqasynda Almatyda qyzyl jáne sary mártebesi bar 19 kelýshi anyqtaldy. Jalpy, 17 qańtardan 5 sáýirge deiin respýblika boiynsha qyzyl mártebesi bar 273 azamat anyqtaldy», - deidi spiker.
Aitýar Qoshmambetov «Ashyq» qosymshasymen jumys isteý úshin kásipkerlerdiń qandai kezeńderden ótýleri tiis ekenin atap ótti.
«Ol úshin Almaty qalasynyń Kásipkerler palatasyna Iandeks platformasyndaǵyúlgini toltyrý arqyly ótinim berý qajet. Ótinim berýge arnalǵan siltemeni bizdiń «Biznes shtab Almaty» telegramm-arnasynan tabýǵa bolady.Barlyq ótinimder berilgennen keiin ekonomikalyq qyzmet túrleriniń jalpy jikteýishi sáikestigi tekserilip, aýdandyq sanitariialyq-epidemiologiialyq baqylaý basqarmalarymen kelisiledi. Budan ári tekserý men maquldaýdan keiin berilgen ótinimder QR-kod júkteýge ruqsat berýge jiberiledi. Ruqsat alǵannan keiin ótinim berýshiler elektrondy platformada QR kod alý nusqaýlyǵyna sáikes QR-kodty InfoKazakhstan.kz saitynan júktei alady», - dedi Aitýar Qoshmambetov.
Jańadan qatysýshylar bir apta boiy bilimderin jetildiredi ári testilik rejimde jumys isteidi.
«Bir aptadan keiin testilik rejim negizinde jańadan qatysýshylar ákimdik saityndaǵy tizimge engiziledi. QR júkteýge ruqsat berýge ótinimderi bir kúnde 2 ret saǵat 12.00 jáne 18.00-de júrgiziledi. Ákimdik saityndaǵy qatysýshylar tizimine engizý aptasyna 2 ret seisenbi jáne beisenbi kúnderi júrgiziledi», - dedi Almaty Kásipkerler palatasynyń direktory.
Nysan ekonomikalyq qyzmet túrleriniń jalpy jikteýishi kodyna sáikes kelmese nemese kásipkerlik sýbektiniń jumysyna tyiym salynsa, onda «Ashyq» jobasyna qatyspaidy.
«Búgingi kúni kinoteatrlardyń ieleri qosymshany bastaý úshin jii habarlasady. Bul másele qaralýda, jańa qaýly shyqqan jaǵdaida kinoteatrlar «Ashyq» jobasy boiynsha jumys isteitin nysandar tizimine engizilýi múmkin», - dedi ol.
