11 mamyrda Almaty oblysynyń birqatar turǵyndaryna Almaty qalasyna kirýge ruqsat beriledi. Olar koronavirýsqa PTR test tapsyrýy tiis. Biraq, zerthanalardyń kópshiligi qala aýmaǵynda ornalasqan.
Almaty qalasynyń bas sanitarlyq dárigeri Jandarbek Bekshin oblys turǵyndarynyń PTR test tapsyrý tártibin túsindirdi, dep habarlaidy QazAqparat.
«Almaty oblysynda zerthana joq dep aitýǵa bolmaidy. Onda bir statsionarlyq jáne bir kóshpeli zerthana bar. Biraq, adam sany kóp bolandyqtan, uzyn-sonar kezek paida bolýy múmkin. Sondyqtan, filtr, ekspress-diagnostika syndy odan da tiimdi sharalar jasalady dep oilaimyn. Ázirge blokposttar men qashyqtan qyzý ólsheý, saýalnama ádisteri qarastyrylǵan», - dedi Jandarbek Bekshin Almaty telearnasyna bergen suhbatynda.
Onyń aitýynsha, respýblikanyń Bas memlekettik sanitarlyq dárigeriniń qaýlysyn kútý qajet.
«Qazir eshqandai óńirge, ásirese Almaty men Nur-Sultanǵa kirýge ruqsat joq. Kóptegen adamdar qalaǵa oralyp, jumys oryndaryna oralǵysy keledi. Biraq, zerthanalar mundai kóp adamǵa 2-3 kúnde nátijesi shyǵatyn tekserý júrgize almaidy», - dedi J. Bekshin.
Sondai-aq, sanitarlyq dáriger mobildi PTR-zerthanalar jumysyn jolǵa qoiý kerektigin atap ótti.
