Nariman Tabynbaev ortalyq qalalyq klinikalyq aýrýhananyń bas dárigeri laýazymyna aýysýyna bailanysty Almaty qalasy densaýlyq saqtaý basqarmasynyń basshysy qyzmetinen bosatyldy, dep habarlaidy QazAqparat shahar basshysynyń baspasóz qyzmetine silteme jasap.
Nariman Tabynbaev Almaty qalasynyń qoǵamdyq densaýlyq saqtaý basqarmasyn 2020 jyldyń jeltoqsan aiynan bastap basqardy.
Nariman Tabynbaev 1961 jyly 23 aqpanda týǵan. Almaty Memlekettik meditsina institýtyn, Qazaq injenerlik-tehnikalyq akademiiany támamdaǵan. Professor, meditsina ǵylymdarynyń doktory.
Eńbek jolyn 1985 jyly Qyzylorda oblysynyń ortalyq aýdandyq aýrýhanasynda balalar hirýrgi bolyp bastaǵan.
1988-1994 jyldary endoskopiia bóliminiń meńgerýshisi, Qyzylorda qalasyndaǵy oblystyq aýrýhana bas dárigeriniń diagnostikalyq ortalyǵy boiynsha orynbasary bolyp jumys istegen.
1994-1997 jyldary Almaty oblysynyń ortalyq aýdandyq aýrýhanasy bas dárigeriniń emdeý jumysy jónindegi orynbasary boldy.
1997-2002 jyldary Ýrologiia ǵylymi ortalyǵynda ǵylymi qyzmetker, aǵa ǵylymi qyzmetker, bólim meńgerýshisi, bas dáriger bolyp jumys istedi.
2008-2014 jyldary Qyzylorda qalasyndaǵy oblystyq meditsinalyq ortalyqtyń direktory, Ýrologiia ǵylymi ortalyǵynyń direktory qyzmetterin atqardy.
2014-2015 jyldary elordadaǵy «Ulttyq meditsinalyq holding» AQ basqarma tóraǵasynyń orynbasary boldy.
2015-2018 jyldary astanadaǵy Ulttyq ǵylymi onkologiia jáne transplantologiia ortalyǵynyń direktory bolyp jumys istedi.
2019-2020 jyldary Fox Chase Cancer Center (Philadelphia, AQSh), University of Minnesota (Minneapolis, AQSh) taǵylymdamadan ótti.
2018-2020 jyldary qalalyq qoǵamdyq densaýlyq saqtaý basqarmasy «Ortalyq qalalyq klinikalyq aýrýhanasy» ShJQ MKK direktory qyzmetin atqardy.
