Foto: Almaty ákimdigi
Almaty ákimi Darhan Satybaldynyń ókimimen jáne Qazaqstan Respýblikasy Prezidenti Ákimshiliginiń kelisimimen Almaty qalasy ákiminiń orynbasary laýazymyna Oljas Smaǵulov taǵaiyndaldy, dep habarlaidy Ult.kz.
Ol Almaty qalasynda dúniege kelgen.
Oljas Muhtaruly Amerikalyq qurlyqaralyq ýniversitetin, Pomona qalasyndaǵy Kaliforniia memlekettik politehnikalyq ýniversitetin, Jáńgir han atyndaǵy Batys Qazaqstan agrarlyq-tehnikalyq ýniversitetin jáne London ekonomika jáne saiasattaný ǵylymdary mektebin bitirgen.
Eńbek jolyn 2013 jyly Atyraý oblysy ákimi apparatynyń uiymdastyrý-inspektorlyq jáne aqparattyq-taldaý bóliminiń bas mamany qyzmetinen bastaǵan.
Ár jyldary Atyraý oblysynyń Kásipkerlik jáne indýstrialdy-innovatsiialyq damý basqarmasynda basshylyq qyzmetter atqardy. Premer-Ministr Keńsesiniń áleýmettik-ekonomikalyq bóliminiń bas sarapshysy boldy.
2015–2019 jyldar aralyǵynda Aqtóbe oblysynda birneshe basshylyq qyzmette jumys istedi.
2019–2021 jyldary Premer-Ministr Keńsesi Basshysynyń orynbasary, Premer-Ministrdiń keńesshisi qyzmetterin atqardy.
2021 jyly qarashadan bastap osy ýaqytqa deiin Prezident Ákimshiliginiń áleýmettik-ekonomikalyq saiasat bólimi meńgerýshisiniń orynbasary qyzmetinde boldy.
