Almaty qalalyq TJD basshysynyń orynbasary Erlan Álibekov selden japa shegýi yqtimal osal aýdandardy atady, dep habarlaidy QazAqparat tilshisi.
«Aýa temperatýrasynyń sońǵy eki aida tómendemeýine bailanysty tańǵy saǵat 6:20-lar shamasynda Qarǵaly ózeni basseinindegi №1 morenalyq kóldiń sýy bosatyldy. Sekýndyna 5 tekshe metr jyldamdyqpen jiberilgende kóldegi sý deńgeii 5 metrge tómendedi. Bastapqy esepteý boiynsha 20 myń tekshe metr sý aǵyzylǵan. Qazir alańdaýǵa negiz joq. Halyqty ábigerge salmas úshin biz tek Qarǵaly ańǵarynda ornalasqan dybys zoraitqyshtar arqyly habarlama jiberdik. Basqa aýdan turǵyndaryna múlde qaýip joq. Qaýip aimaǵynda 564 nysan ornalasqan. Jalpy sany 1 864 adam turady. Barlyq osal 8 ýchaske Qarǵaly plotinasynan T.Rysqulov kóshesine deiingi aimaqta ornalasqan», - dedi Erlan Álibekov.
Sonymen qatar, onyń aitýynsha, basqa tańdaǵy moren kólderinde ahýal turaqty.
«Almaty mańynda barlyǵy 7 muz kóli bar. Olarda priventivti sharalar qolǵa alynyp jatyr. Basqa 6 kól №1 moren kóli siiaqty qaýipti emes. Bul kólder statsionarly. Olarda evakýatsiialyq kanaldar qazylǵan. Sý tranzit bolyp ótip ketedi. Eń qaýipti sanalatyn №13 kólde sý deńgeii jyl basynan beri 4 metr 6 sm tómendedi. Basqa muz kólderinen halyqqa tóngen qaýip joq», - dedi ol.
