الماتى قالالىق تجد باسشىسىنىڭ ورىنباسارى ەرلان ەلٸبەكوۆ سەلدەن جاپا شەگۋٸ ىقتيمال وسال اۋدانداردى اتادى, دەپ حابارلايدى قازاقپارات تٸلشٸسٸ.
«اۋا تەمپەراتۋراسىنىڭ سوڭعى ەكٸ ايدا تٶمەندەمەۋٸنە بايلانىستى تاڭعى ساعات 6:20-لار شاماسىندا قارعالى ٶزەنٸ باسسەينٸندەگٸ №1 مورەنالىق كٶلدٸڭ سۋى بوساتىلدى. سەكۋندىنا 5 تەكشە مەتر جىلدامدىقپەن جٸبەرٸلگەندە كٶلدەگٸ سۋ دەڭگەيٸ 5 مەترگە تٶمەندەدٸ. باستاپقى ەسەپتەۋ بويىنشا 20 مىڭ تەكشە مەتر سۋ اعىزىلعان. قازٸر الاڭداۋعا نەگٸز جوق. حالىقتى ەبٸگەرگە سالماس ٷشٸن بٸز تەك قارعالى اڭعارىندا ورنالاسقان دىبىس زورايتقىشتار ارقىلى حابارلاما جٸبەردٸك. باسقا اۋدان تۇرعىندارىنا مٷلدە قاۋٸپ جوق. قاۋٸپ ايماعىندا 564 نىسان ورنالاسقان. جالپى سانى 1 864 ادام تۇرادى. بارلىق وسال 8 ۋچاسكە قارعالى پلوتيناسىنان ت.رىسقۇلوۆ كٶشەسٸنە دەيٸنگٸ ايماقتا ورنالاسقان», - دەدٸ ەرلان ەلٸبەكوۆ.
سونىمەن قاتار, ونىڭ ايتۋىنشا, باسقا تاڭداعى مورەن كٶلدەرٸندە احۋال تۇراقتى.
«الماتى ماڭىندا بارلىعى 7 مۇز كٶلٸ بار. ولاردا پريۆەنتيۆتٸ شارالار قولعا الىنىپ جاتىر. باسقا 6 كٶل №1 مورەن كٶلٸ سيياقتى قاۋٸپتٸ ەمەس. بۇل كٶلدەر ستاتسيونارلى. ولاردا ەۆاكۋاتسييالىق كانالدار قازىلعان. سۋ ترانزيت بولىپ ٶتٸپ كەتەدٸ. ەڭ قاۋٸپتٸ سانالاتىن №13 كٶلدە سۋ دەڭگەيٸ جىل باسىنان بەرٸ 4 مەتر 6 سم تٶمەندەدٸ. باسقا مۇز كٶلدەرٸنەن حالىققا تٶنگەن قاۋٸپ جوق», - دەدٸ ول.
